Ինչպե՞ս արշավել չորքոտանի ընկերոջ հետ
Չորքոտանի ընկերոջ հետ ճանապարհորդելը ժամանակ անցկացնելու հիանալի միջոց է: Եթե դուք շատ եք աշխատում և մեղավոր եք զգում ձեր ընտանի կենդանուն բավարար ուշադրություն չդարձնելու համար, մտածեք միասին արշավի գնալու մասին:
Իհարկե, նման ժամանցը մանրակրկիտ նախապատրաստություն է պահանջում։ BB Grooming-ի համահիմնադիր Աննա Սարգսյանը կիսվում է մի քանի կարևոր խորհուրդներով, ինչպես նաև պատմում է իրենց սրահի մասին։
Նման ճանապարհորդությունների առավելությունները
Առաջին հերթին դուք ստիպված չեք լինի մտածել, թե ո՞ւմ հետ թողնել ձեր «բարեկամին», քանի որ նա կլինի ձեզ հետ: Բացի այդ, քայլարշավը առողջարար է՝ ֆիզիկական ակտիվությունն ու մաքուր օդում գտնվելը չեն վնասի ո՛չ ձեզ, ո՛չ կենդանուն։ Եվ, իհարկե, հենց այստեղ, բնության մեջ, ձեր «ընկերը» կկարողանա վազել և ուրախանալ որքան որ ցանկանա։
Քաղաքից դուրս գալու համար պետք է համոզված լինել
Արդյոք շունը պատրաստ է երկար ճանապարհի։ Մարդկանց թվում է, եթե կենդանին տան պայմաններում ակտիվ է, ապա ամենուրեք է այդպիսին։ Եվ երբ տանում եք քաղաքից դուրս, այդ ժամանակ եք հասկանում, որ նա չի ցանկանում քայլել։ Ստիպված, կա՛մ կանգնում եք, կա՛մ գրկում։
Ցանկալի է, վաղ տարիքից շանը սովորեցնել քաղաքից դուրս գնալուն։ Առաջին հերթին պետք է սովորեն, իրենց ինչպես պետք է պահեն ավտոմեքենայում։ Հաճախ վախենում են ընթացքից։
Հետևել առողջությանը
Շանը երկու ամիսը մեկ՝ հատուկ միջոցներով պետք է մշակել լվերից, տզերից, իսկ քաղաքից դուրս տանելուց ցանկալի է օգտագործել հավելյալ միջոցներ, քանի որ թվարկված միջատները շատ ավելի շատ են։ Ցավոք Հայաստանում տարածված է պիրոպլազմոզ հիվանդությունը (տզերն են տարածում), ցանկալի է 24 ժամվա ընթացքում բժշկի դիմել, խուսափելու համար հետագա բարդացումներից։
Ամենակարևոր բանը, որ պետք է հաշվի առնել
Շունն ունի հստակ մազածածկույթ, հովանում է միայն լեզվի և թաթերի բարձիկների շնորհիվ։ Պետք է հաշվի առնել՝ տեղանքը լինի հով և զով։ Պետք է նաև ուշադիր լինել օձերի նկատմամբ, հետաքրքրասեր «բարեկամները» շատ հաճախ մոտենում են նրանց և ստանում վնասվածք։ Եվ ամենակարևորը։ Պետք է զգուշանալ, այն վայրերից, որտեղ անասուն են արածացնում։ Այս հատվածներում կան հայկական գամփռներ, շունը «աշխատանքի մեջ» կարող է շատ ագռեսիվ լինել, նրա տարածքն է, հսկում է։
Ինչպես է ստեղծվել BB Grooming-ը
BB-ին իմ Բրինգլիի ու համահիմնադիր, մտերիմ ընկերուհուս Վերա Մարտիրոսյանի շան Բոբիի անունների առաջին տառերն են, երկուսն էլ լաբրադոր ցեղատեսակի են։ Վաղուց ցանկանում էի ունենալ մի բան, որը կապ կունենար շների հետ։ Ես նրանց անվերապահորեն եմ սիրում։ Ողջ կյանքիս ընթացքում միշտ ենք շուն ունեցել։ Սկզբում մտածում էի կեր արտադրելու մասին, սակայն, այդ մտքից հրաժարվեցի, քանի որ աշխատելու էի սպանդանոցների հետ։ Հասկացա, որ չեմ կարող առնչվել այդ տեսարանների հետ։
2023 թվական։ Երազանքից իրականություն
Մտածում էի խանութ ունենալու մասին։ Խանութ, որտեղ կլինի ընտանեկան մթնոլորտ։
Այդ ընթացքում, Վերան Բոբիին հաճախ էր տանում գրումինգի։ Իսկ ես, բացի Բրինգլիից ունեմ նաև դրսից որդեգրած՝ Քուչիկ։ Իմ շների գրումինգը ինքս էի անում, քանի որ ապրում եմ սեփական տանը։ Մի անգամ որոշեցի միանալ Վերային։ Ասաց․ -Արի, տես, թե ինչպե՞ս է անցնում։ Գնացի։ Գրումինգ սրահը փոքր մի տեղ էր, պրոցեդուրայից հետո Բոբին սրահից առանց մազ դուրս եկավ, իսկ մենք՝ մազոտված։ Տհաճ էր։ Որոշեցինք համատեղել՝ ունենալ խանութ-սրահ և գրումինգ անկյուն։ Սկսեցինք փնտրել տարածք։ Կարևոր էր, որպեսզի այն մեր տներին մոտ լիներ, անհրաժեշտության դեպքում, միշտ սրահում լինենք։ Երկար ու դժվար փուլերից հետո։ Հունիսի 11-ին լրացավ մեր խանութ-սրահի մեկ տարին։ Երազանքն իրականություն է։
Կարևոր էր
Սրահը պետք է լինի հարմարավետ, որպեսզի ցանկության դեպքում տերը կարողանա ներկա գտնվի ողջ ընթացքին՝ առանց խանգարելու։ Մեզ մոտ տերերը կարող են մի գավաթ սուրճ վայելել կամ աշխատել նրանց համար ստեղծված համապատասխան անկյունում մինչև շանը կամ կատվին կհարդարեն։ Ունենք հաճախորդներ, ովքեր այնքան են վստահում, որ թողնում են իրենց բարեկամներին մեզ մոտ։ Զանգահարում ենք, նոր գալիս են նրանց ետևից։ Պահպանել ենք մատչելի գների սանդղակը, որպեսզի բոլորին հասանելի լինի։
Գրումինգ սրահներ
Այս ալիքը եկավ ռելոկանտներից, նախկինում գրումինգը գործում էր վետ-կլինիկաներին կից։ Սա նոր ձևավորվող մշակույթ է, որը թեթևացնում է շուն պահողի հոգսը որոշ չափով ու հնարավորություն է տալիս կենդանու խնամքով զբաղվել տնից դուրս, ինչը երբեմն դժվար է բնակարանային պայմաններում, իսկ սրահներում կան մասնագիտացված միջոցներ՝ ճիշտ խնամք ստանալու համար։
Տրանսֆեր
Մենք իրականացնում ենք տրանսֆեր, ինչպես առանց տերերի, այնպես էլ տերերի հետ։ Տերեր կան, որ կենդանուն վստահում են մեզ, մենք խնամք ենք իրականացնում և հետ տանում տիրոջ մոտ։ Կան տերեր, որ չունեն մեքենա, իսկ կենդանուն տաքսիով հնարավոր չէ հասցնել սրահ, նրանք նույնպես օգտվում են տրանսֆերից։ Տերերը մնում են կենդանիների հետ այնքան, մինչև խնամքն ավարտում ենք և ուղեկցում տուն։
Լուսանկարահանում
Ունենք հետաքրքիր ֆոտոշութեր, համագործակցում ենք պրոֆեսիոնալ լուսանկարչի հետ։ Առաջին փորձը Ամանորին ընդառաջ էր։ Գրումինգից հետո լուսանկարահանում էիք, սրահում ֆոտոստուդիա էինք սարքել։ Իսկ այսօր արդեն իրականացնում ենք կենդանիների պորտրետային նկարահանում։ Արտերկրում շատ տարածված ու գեղեցիկ է, երբ դու տան դիզայնի հետ համապատասխանեցնում ես կենդանու դիմանկարը։
Որդեգրվող և որդեգրված շներ
Մեր սրահում հարդարում ենք փրկված շների, որոնք ոչ միայն առանց ցեղատեսակի շներ են, այլ նաև հաճախ հանդիպում են ցեղատեսակի պատկանող շներ։ Նրանցից տերերը ազատվում են, քանի որ պատրաստ չեն պատասխանատվության։ Շատերը միայն շուն վերցնելուց հետո են հասկանում պատասխանատվության չափը, ինչի հետևանքով կենդանիները հայտնվում են դրսում։ Ունենք նաև այնպիսի շունիկներ, որոնց վերցրել են կացարաններից։ Նման տերերին զեղչեր ենք անում, այդ կերպ խրախուսում ենք նրանց։ Չէ՞ որ ցեղատեսակը բնավ կապ չունի լավագույն ընկեր լինելու համար։
