Շիրակ
Ինչու այցելել Շիրակ
Շիրակի մարզը Հայաստանի ամենահետաքրքիր և յուրահատուկ մարզերից է՝ հայտնի իր խիստ կլիմայով, լեռնային բնությամբ և հարուստ պատմամշակութային ժառանգությամբ։
Մարզում է գտնվում Աշոցքի սարահարթը, որի բարձրությունը հասնում է 1800–2200 մետրի։ Այստեղ օդի բացարձակ նվազագույն ջերմաստիճանը երբեմն իջնում է մինչև -46°C, ինչի շնորհիվ տարածքը հաճախ անվանում են Հայկական լեռնաշխարհի «ցրտի բևեռ»։ Սարահարթի տարածքում է նաև Արփի լիճը, որը Հայաստանի կարևորագույն ջրային և բնապահպանական տարածքներից է։
Մարզի հիմնական ջրային զարկերակը Ախուրյան գետն է, որը սկիզբ է առնում Արփի լճից։ Գետի ակունքում կառուցված ամբարտակի շնորհիվ բնական լիճը վերածվել է ջրամբարի։ Ախուրյանը ոչ միայն կարևոր ջրային ռեսուրս է, այլև Հայաստանի ու Թուրքիայի միջև բնական սահմաններից մեկը։
Ինչ տեսնել
Շիրակի տարբեր հատվածներում պահպանվել են ուրարտական սեպագիր արձանագրություններ, հին բերդերի ու ամրոցների ավերակներ, կամուրջների հետքեր և այլ պատմական հուշարձաններ։ Սահմանից այն կողմ՝ Թուրքիայի տարածքում, ընդամենը մի քանի կիլոմետր հեռավորության վրա, տեսանելի են Բագրատունյաց թագավորությունի մայրաքաղաք Անիի հայտնի ավերակները։
Մարզի տարածքում են ձգվում Փամբակի լեռնաշղթաի, Բազումի լեռնաշղթաի, Եղնախաղի, Ջավախքի և Արագած լեռի լեռնազանգվածների մի հատվածները։ Շիրակը նաև հայտնի է իր բնական հարստություններով՝ հատկապես տուֆի, պեմզայի և կրաքարի հանքերով, որոնք մեծ դեր ունեն մարզի տնտեսության և ճարտարապետության մեջ։
Ինչ անել
Հայաստանի երկրորդ ամենամեծ քաղաքը, Գյումրին, Շիրակի սիրտն է ու հոգին։ Նրա անունն ինչ-ինչ պատճառներով մեկ-մեկ փոխվել է. Կումայրի, Ալեքսանդրապոլ, Լենինական, Գյումրի. յուրաքանչյուր անուն նոր դարաշրջանի, նոր ուժի ու նոր մարդկանց հետ է եկել, բայց քաղաքի ոգին մնացել է անփոփոխ։ Տուֆե շենքերի կարմրավուն ֆոնին, Գյումրու փողոցներն ու հրապարակները պատմում են ռուսական, սովետական ու հայկական ճարտարապետության հանդիպման մի եզակի պատմություն։ Ոտքով քայլելը այստեղ ոչ թե տուրիստական պարտականություն է, այլ հաճույք։
Ինչ համտեսել
- Գարեջուր
- Պանրխաշ
- Քյալա
- Թել պանիր
- Խաշ
Պարտադիր տեսնելիք
Գյումրի
Արփա լիճ
Թռչկան
Դեպի Շիրակ ճանապարհորդական խորհուրդներ և ուղղություններ
- Սև արագիլ տեսնել
- Երերույքի տաճար այցելել
- Թռչկանի ջրվեժ
- Դարիկ գյուղ այցելել
Ինչպես հասնել
Երևանից Գյումրի (վարչական կենտրոն) հասնելու ամենահարմար տարբերակները երթուղայինն ու գնացքն են։
Երթուղայինով ճանապարհը տևում է մոտ 2 ժամ։ Մեքենաները մեկնում են հիմնականում Կիլիկիա կամ Հյուսիսային ավտոկայաններից, իսկ տոմսի արժեքը սովորաբար կազմում է մոտ 1500 դրամ։
Գնացքով ճանապարհը տևում է մոտ 3 ժամ, իսկ ճեպընթաց գնացքի դեպքում՝ շուրջ 2 ժամ։ Դեպի Գյումրի գնացքները գործում են ամեն օր և մեկնում են Երևանի Կենտրոնական երկաթուղային կայարանից։ Տոմսերի վաճառքը սովորաբար սկսվում է մեկնումից մոտ 30 րոպե առաջ։ Սովորական գնացքի տոմսի արժեքը կազմում է մոտ 1000 դրամ, իսկ ճեպընթաց գնացքինը՝ շուրջ 2500 դրամ։
Կարևոր
Հայաստանում հաճախ դեռևս անհրաժեշտ է կանխիկ գումար ունենալ։ Շատ վայրեր՝ հատկապես մարզերում, աշխատում են միայն կանխիկով։ Թեև կան ռեստորաններ ու հյուրանոցներ, որոնք ընդունում են քարտային կամ առցանց վճարումներ, դրանք այնքան էլ շատ չեն։ Թանգարաններում ևս հիմնականում կանխիկ է պետք, և հիշեք՝ գրեթե բոլոր թանգարանները երկուշաբթի փակ են։
